1Cor 5 | TPZ | STEP | A soe nöß to tënan noß to soe non pan, a taateß rëhrëh to teß non topnineöm. Ka taateß pamëh to teß ke rakah e non po vu taateß no a napan to hikta vaman ne e Ieesuß to nonok ne sih. Eöß to pënton noß nös pan, a pah teß to kokoroh vëtkin me non e meh köövo pe tamaneah.

bLo 17:7

1 Corinthians 5

A Taateß Rëhrëh To Teß Non Körin

1 A soe nöß to tënan noß to soe non pan, a taateß rëhrëh to teß non topnineöm. Ka taateß pamëh to teß ke rakah e non po vu taateß no a napan to hikta vaman ne e Ieesuß to nonok ne sih. Eöß to pënton noß nös pan, a pah teß to kokoroh vëtkin me non e meh köövo pe tamaneah. 2 Eöm to koman nem pan, eöm to teß oah rakah e nem po upöm teß, ha? Eß to vih non peöm se koe a taateß kë hah ëm, ko teß nem pa tamak, ko okook nem a teß vëh to nok a hat. Eöm koman se veo ke eah këh o kum peöm, keß teß onöt a ö seß panih a taateß hat peß.

3 A sionineoß to teß varo këh e noß nös peöm. Ivëhkëk, a tuvuh peöß to teß vaßpeh me e non peöm. Ivëh, köß sosoe ka no neöm a tah nöm se nok, vamanih peöß to teß vaßpeh me e noß peöm. Manih pa tasun ne Sunön Ieesuß to heß a neoß, eöß to iu noß pan, eöm se vakmis a teß vëh to nonok non a taateß rëhrëh. Po poen nöm to vakum vaßpeh nem, eöß to iu noß pan, eöm se nok a ma tah kurus varih nöß to iu noß, vamanih peöß to teß vaßpeh me e noß peöm. E Sunön Ieesuß pea se heß a neöm o kikis pa nok a ma tah neß to iu non neöm se nok. 5 Eöm se veo ke a teß pamëh keß këh a neöm keß se teß va non manih peöm to vahoß eah pa koren e susun po oraß hat, keß vakmis poan. Ivëh, ka teß pamëh se panih, ke Sosoenën hikta se vakmis non poan po poen neß se hah maß pa kiiki a ma napan kurus varih po oeh.

A Napan Va Körin Se Veo A Teß To Nok A Taateß Hat

6 Eß to hikta teß vih non peöm se kë koman hah a nem, eöm to nat kës e nem pa a soe vapipinoß to soe non pan, “A siß ö is soneß se vasup en pa taëën”. A pusun in a soe vapipinoß pamëh to teß va non manih peöm se keh koek nem a teß hat manih komön o kum peöm, a ma meh teß komön o kum se taneo ee pa vatet poë pa nok a taateß hat. 7 Ivëh, köm se kon ke o is vamoaan këh a iuun peöm. A pusun in a soe vapipinoß vëh to teß va non manih, soe ke a teß nonok hat pamëh keß nat non teß hop non komön o kum peöm. Ivëh, ke eöm o kum teß va po vaman to teß va nem manih pa taëën voon hikto is, suk ataeah, ahikta teß to iu nok non a taateß hat to teß hop non komön o kum peöm. Eöm a ma teß vivihan pe Sosoenën, suk ataeah, a mët pe Kristo to ihan këh a ra manih pa ma taateß hat to öt voh a rora, ka tavus ee a napan pe Sosoenën. E Kristo to teß va non manih pa soneß sipsip vëh no Jiuß to ip vamët po Pasovaß. ^{▼▼O Pasovaß, eß a Taëën Apuh va pa ö ne Sosoenën to kon këh o Jiuß pa muhin va Isip.} 8 Ivëh, ka se koe a ma taateß hat moaan voh pea, ko teß va no manih pa ö ne Sosoenën to iu va non. Ea se heß tonun a ma taateß hat moaan voh pea, ko nat no hah pa ma taateß rërës teß, me a ma taateß hat. Ivëhkëk, ea se vatet no a soe pe Sosoenën, ko koe a nok a ma taateß hat. O Jiuß to ënëën ro voh e ne pa taëën hikto is po Pasovaß. Ea se teß rakah no pa taateß soe man, me a vatvus a soe man ko upöm teß se nat ne a soe ne ea to sosoe no, eß o man rakah.

9 Po meoh kiun moaan voh peöß nöß to soe voh nös pan, “Eöm se nat nem vamomhë me nem o teß varih to nonok ne a ma taateß rëhrëh.” 10 Eöß to hikta sosoe suk noß nös o teß varih to teß tavus këh ne po kum teß va po vaman, ee varih o teß to teß me ne a taateß rëhrëh, me a napan varih to mamanin ne a ma tah po upöm teß, me a nap kakaveo tah pa ma meh teß, me a napan varih to hinhin suk ne a ma tanößnës. Ahik. Eöm se keh iu vakëh rakah këh nem a pap napan poë varih, eß to vih non peöm se mët ko këh em po oeh vëh. 11 A pusun in a soe peöß to teß va non manih, a teß se keh soe pan, eß e kea pën va po vaman, ivëhkëk, eß a teß rëhrëh, keß a teß mamanin tah pa meh teß, keß a teß to hinhin suk non a ma tanößnës, keß a teß va pa to vöknah i ro upöm teß, keß a teß to kaak vaoah ko kokoman peß nun, keß a teß kakaveo, a, eöm se nat nem vamomhë me nem eah. Paröm nat nem vavaëën me nem a pap teß poë varih. 12 Eß teß vah va non nih? Eöß pöß to teß me noß a kiu vëh pa kiiki a pop pa napan varih to teß tavus këh ne o kum teß varih to vaman ne e Ieesuß, ha? Eß a kiu varoe pea, ha? Ahik rakah. Ivëhkëk, a kiu va pa kiiki a pop pa napan to teß hop ne komön o kum teß varih to vaman ne e Ieesuß, eß a kiu rakah peöm. 13 A napan to teß tavus këh ne o kum teß varih to vaman ne e Ieesuß, e Sosoenën koman se vakmis raoe, suk a ma taateß hat pee. Ivëhkëk, manih po teß varih to teß hop ne po kum teß va po vaman, o Puk pe Sosoenën to soe va non manih pan,

“Eöm se veo këh ëm pa teß nonok hat to teß hop non komon o kum peöm.” ^b